📍 आजच्या दिवसभरातील चालू घडामोडी 6 एप्रिल 2021

 

📍 चालू घडामोडी📍

 〽️ 6 एप्रिल 2021 〽️ 

✨राज्यात आज नव्या कोरोना बाधित रुग्णांच्या आकड्यात कालच्या तुलनेत घट झाली असली तरी हा आकडा 45 हजार ते 50 हजारांच्या आसपास आहे. 

🙌🏻 गेल्या 24 तासांत राज्यात 47 हजार 288 नव्या रुग्णांचे निदान झाले आहे. काल ही संख्या 57, हजार 074 इतकी होती. 

😥या बरोबरच, गेल्या 24 तासांमध्ये एकूण 26 हजार 252 कोरोनाबाधित रुग्ण बरे होऊन घरी गेले. काल ही संख्या 27 हजार 508 इतकी होती. 

👉🏻 याबरोबरच राज्यातील सक्रिय रुग्णांची संख्या 4 लाख 51 हजार 375 वर जाऊन पोहचली आहे.

*💂🏻‍♂️दिलीप वळसे पाटील नवे गृहमंत्री*

🖋️ गृहमंत्री अनिल देशमुख यांच्या राजीनाम्यानंतर राज्याचा गृहमंत्री पदाचा कारभार दिलीप वळसे पाटील यांच्याकडे देण्यात आला आहे.

🖋️ गृहमंत्री अनिल देशमुख यांचा राजीनामा स्वीकृत करावा, असे विनंती पत्र मुख्यमंत्री उद्धव ठाकरे यांनी राज्यपालांना दिले आहे.

🖋️ पत्रामध्ये दिलीप वळसे पाटील यांच्याकडे सध्या असलेला कामगार विभागाचा अतिरिक्त कार्यभार मंत्री हसन मुश्रीफ यांच्याकडे सोपविण्याची विनंती करण्यात आली.

🖋️ तर राज्य उत्पादन शुल्क विभागाचा अतिरिक्त कार्यभार उपमुख्यमंत्री अजित पवार यांच्याकडे देण्याबाबत पत्रात विनंती करण्यात आली आहे. 

🖋️ दरम्यान, गृहमंत्रीपदासाठी राज्यातील अनेक नेत्यांची नावे चर्चेत आली होती, अखेर राज्य सरकारकडून दिलीप वळसे पाटील यांच्या नावावर शिक्कामोर्तब केले.

*✍🏻हर्ष वर्धन: ‘स्टॉप टीबी पार्टनर्शिप’ मंडळाचे नवे अध्यक्ष*   

🔗भारताचे केंद्रीय आरोग्य व कुटुंब कल्याण मंत्री डॉ. हर्ष वर्धन यांची ‘स्टॉप टीबी पार्टनर्शिप’ मंडळाचे नवे अध्यक्ष म्हणून नियुक्ती करण्यात आली आहे.

🔗डॉ. हर्ष वर्धन यांना या पदावर जुलै 2021 पासून तीन वर्षांच्या मुदतीसाठी नेमण्यात आले आहे.

🔗‘स्टॉप टीबी पार्टनर्शिप’ विषयी…

‘स्टॉप टीबी पार्टनर्शिप’ ही एक आंतरराष्ट्रीय संस्था आहे.

🔗 ही संस्था एक सार्वजनिक आरोग्य समस्या म्हणून क्षयरोगाच्या निर्मूलनासाठी जगभरात कार्य करते.

🔗 संस्था क्षयरोगाविरूद्धच्या लढाईत जगभरातील कर्त्यांना संरेखित करण्याचे काम करते.

🔗संस्थेची स्थापना वर्ष 2000 मध्ये झाली. संस्थेचे सचिवालय जिनिव्हा (स्वित्झर्लंड) येथे आहे.

🔗क्षयरोगाविषयी…..

हा रोग प्राचीन काळापासून जगातल्या अनेक देशांमध्ये अस्तित्वात आहे. 24 मार्च 1882 रोजी डॉ. रॉबर्ट कॉच यांना क्षयरोगाचे कारक असलेल्या ‘TB बॅसीलस’ नामक जिवाणूचा शोध लागला.

🔗क्षयरोग मुख्यत: हवेच्या माध्यमातून पसरणारा संसर्गजन्य रोग आहे. 

🔗क्षयरोगाच्या निर्मितीस मायकोबॅक्टिरियम ट्युबरक्युलॉसिस हे सूक्ष्मजंतू कारणीभूत असतात. 

🔗त्यांचा प्रसार रुग्णाच्या खोकल्यातून बाहेर पडणाऱ्या द्रवाच्या सूक्ष्म थेंबांमुळे होतो. 

🔗क्षयरूग्णाचे निदान झालेल्या रूग्णाला डॉट्स (DOTS) प्रोव्हायडरमार्फत औषधोपचार दिला जातो.

📜 *सरकारच्या 'ब्रेक द चेन' आदेशात सुधारणा*

🔗राज्य सरकारने काल राज्यात विकेंड लॉकडाउन आणि 30 एप्रिलपर्यंत कडक निर्बंध लागू केल्याच्या दुसऱ्याच दिवशी आज आपल्या 'ब्रेक दि चेन'च्या आदेशात सुधारणा केली आहे. त्यानुसार सरकारने अत्यावश्यक सेवांमध्ये वाढ केली आहे. 

*'✨या' सेवांचा अत्यावश्यक सेवांमध्ये समावेश* 

● फळविक्रेते 

● शासकीय व खासगी सुरक्षा सेवा

● सर्व प्रकारच्या कार्गो सेवा

● पेट्रोल पंप, आणि पेट्रोलियम संबंधित उत्पादने

● डेटा सेंटर, क्लाऊड सर्व्हिस प्रोव्हायडर्स

● आयटी - माहिती तंत्रज्ञान सबंधित महत्वाच्या पायाभूत सुविधा आणि सेवा

🔗तर काही खासगी आस्थापना व कार्यालये सकाळी 7 ते रात्री 8 या कालावधीत सुरु ठेवण्यास परवानगी दिली आहे. मात्र केंद्र शासनाच्या निर्देशानुसार त्यात काम करणाऱ्या कर्मचाऱ्यांचे लसीकरण करावे लागेल. 

🔗जोपर्यंत लसीकरण होत नाही तोपर्यंत दर 15 दिवसांचे कोरोना निगेटिव्ह आरटीपीसीआर प्रमाणपत्र बाळगावे लागेल. 

🔗10 एप्रिलपासून याची अंमलबजावणी केली जाईल आणि नियम तोडणाऱ्या व्यक्तीकडून 1 हजार रुपये दंड घेण्यात येईल.

*'✨या' खासगी आस्थापना व कार्यालयांना परवानगी* :

● सेबी तसेच सेबी मान्यताप्राप्त संस्था जसे की स्टॉक मार्केट, डिपॉझिट आणि  क्लिअरिंग कॉर्पोरेशन्स

● रिझर्व्ह बँकेच्या नियंत्रणाखालील संस्था, प्राथमिक डीलर्स, सीसीआयएल एनपीसीआय, पेमेंट सिस्टीम ऑपरेटर्स

● सर्व नॉन बँकिंग वित्तीय महामंडळे

● सर्व मायक्रो फायनान्स संस्था

● सर्व वकिलांची कार्यालये

● कस्टम हाऊस एजंट्स

● परवानाधारक मल्टी मोडल ट्रान्सपोर्ट ऑपरेटर

*✒️संक्षिप्त घडामोडी*

● मुख्यमंत्री उद्धव ठाकरे यांचे पंतप्रधान नरेंद्र मोदी यांना पत्र; 25 वर्षापुढील सर्वांना कोरोनाची लस देण्याची केली विनंती

● कुख्यात गुंड गजानन मारणे याची नागपूर कारागृहात रवानगी; तर निलेश घायवळ अमरावती कारागृहात

● भारतामध्ये आतापर्यंत 8 कोटी जणांना कोविड 19 ची लस - आरोग्य मंत्रालय

● बांगलादेशात मालवाहू जहाज आणि प्रवासी नौका यांच्या भीषण अपघात; २७ जणांचा मृत्यू 

● बाईक प्रेमींसाठी खुशखबर; भारतात सुजुकी कंपनीची हायाबुसा लवकरच होणार लॉन्च

● दक्षिण आफ्रिकेचा पाकिस्तानवर विजय, तीन सामन्यांच्या मालिकेत 1-1 बरोबरी

● अभिनेत्री श्रद्धा कपूरच्या आगामी "चालबाज इन लंडन'चा टीजर आउट