Ladki Bahin Yojana KYC : लाडकी बहिण योजना हि महाराष्ट्र शासनाची महत्वपूर्ण योजना आहे, जी राज्यातील महिलांना आर्थिक आणि सामाजिक दृष्टीकोनातून सक्षम करण्यासाठी सुरु केली आहे. या योजेनेच्या पात्र लाभार्थी महिलांना आता e-KYC करावी लागणार आहे. हि प्रक्रिया शासनाकडून सुरु करण्यात आली आहे. प्रत्येक लाभार्थीने ई-केवायसी करून घेणे आवश्यक आहे.
मुख्यमंत्री माझी लाडकी बहिण योजनेची केवायसी करण्यासाठी शासनाने वेबसाईट वरती ई-केवायसी पर्याय उपलब्ध करून दिला आहे. या पर्यायाद्वारे महिला ई-केवायसी प्रक्रिया पूर्ण करू शकतात. काही महिला योजनेचा लाभ घेण्यासाठी पात्र नसून देखील लाडकी बहिण योजनेचा लाभ घेत आहेत हे शासनाच्या निदर्शनास आल्यामुळे शासनाने आता ई-केवायसी प्रक्रिया सुरु केली आहे. यामुळे ज्या महिलांना या योजनेचा लाभ मिळत आहे अशा सर्व महिलांना आपली ई-केवायसी प्रक्रिया पूर्ण करावी लागणार आहे.
योजनेमध्ये अधिक पारदर्शकता येण्यासाठी व लाभार्थ्यांना नियमितपणे, आर्थिक लाभ मिळावा याकरिता ई केवायसी प्रक्रिया सुरु करण्यात आली आहे. हि प्रक्रिया मोबाईल वरून करता येते. पुढील दोन महिन्यात हि प्रक्रिया पूर्ण करण्याचे आवाहन महिला व बालविकास विभागामार्फत करण्यात आले आहे. या प्रक्रियेमुळे भविष्यातील इतर शासकीय योजनांचा लाभ मिळविण्यासाठीही मदत होणार आहे.
ई केवायसी म्हणजे काय आणि ती का करायची?
मुख्यमंत्री माझी लाडकी बहिण योजना केवायसी हि एक अत्यावश्यक प्रक्रिया आहे, यामुळे शासनाला लाभार्थी पात्र आहे कि नाही हे समजते. केवायसी केल्यामुळे लाभार्थीच्या खात्यावरच लाभ जमा होतो. तसेच केवायसी मुळे लाभार्थीची नोंदणी हि एकदाच होते, दोन वेळा अर्ज केला असेल तर तो ओळखला जातो. यामुळे प्रत्येक लाभार्थी महिलेने ई-केवायसी करणे गरजेचे आहे, केवायसी न केलेल्या महिलांना योजनेचा लाभ मिळणार नाही. ज्या महिला ई-केवायसी प्रकिया पूर्ण करणार नाहीत अशा महिलांना पुढील योजनेचा लाभ मिळणार नाही. यामुळे प्रत्येक लाभार्थी महिलेने आपली केवायसी करून घ्यावी.
- लाडकी बहिण योजना केवायसी लाभ मिळण्यासाठी करावी लागणार
- यामुळे लाभार्थीची आधार आणि बँक खात्याची पडताळणी होते
- स्कीम मधून दरमहा पैसे जमा होण्यास मदत होते
- फसवणूक टाळण्यासाठी सरकार कडून ओळख निश्चित होते
| योजनेचे नाव | मुख्यमंत्री माझी लाडकी बहिण योजना |
|---|---|
मिळणारा लाभ | १५०० रुपये प्रति महिना |
अधिकृत वेबसाईट | https://ladakibahin.maharashtra.gov.in/ |
वयोमर्यादा | २१ ते ६५ दरम्यान |
लाभार्थी वर्ग | महिला (महाराष्ट्र राज्य) |
e-KYC कालावधी | दोन महिने |
केवायसी करण्यासाठी आवश्यक कागदपत्रे
- लाभार्थीचे आधार कार्ड
- पतीचे/वडिलांचे आधार कार्ड
लाभार्थीच्या आधार कार्डला तसेच वडिलांच्या आधार कार्डला/पतीच्या आधार कार्डला मोबाईल नंबर लिंक असणे गरजेचे आहे. हे दोन कागदपत्रे केवायसी करण्यासाठी लागणार आहेत.
Ladki Bahin Yojana KYC कशी करायची?
- केवायसी करण्यासाठी शासनाची अधिकृत वेबसाईट ला भेट द्या. वेबसाईट ओपन केल्यानंतर तुम्हाला खालीलप्रमाणे पर्याय पाहायला मिळेल.
- “e-KYC मुख्यमंत्री माझी लाडकी बहिण योजनेचे लाभार्थी ई-केवायसी प्रक्रिया पूर्ण करण्यासाठी येथे क्लिक करावे” या पर्यायावर क्लिक करा.
- त्यानंतर आपल्या समोर नवीन पेज ओपन होईल.
- e-KYC मुख्यमंत्री माझी लाडकी बहिण योजना केवायसी फॉर्म सुरु होईल.
- लाभार्थी आधार क्रमांक या चौकोनामध्ये लाभार्थ्याचा आधार नंबर टाकून घ्यावा
- कॅप्चा कोड चौकोनामध्ये समोरील अंक भरून घ्या
- आधार प्रमाणीकरणासाठी संमती या मधून मी सहमत आहे हा पर्याय निवडा
- ओटीपी पाठवा वरती क्लिक करा
- आधार कार्डशी लिंक असलेल्या मोबाईल क्रमांकावर एक सहा अंकी आधार ओटीपी येईल.
- ओटीपी टाका आणि सबमिट करा.
- त्यानंतर तुम्हाला वडिलांचे/पतीचे आधार कार्ड नंबर विचारला जाईल.
- विवाहित असेल तर पतीचे आधार कार्ड अविवाहित असेल तर वडिलांचा आधार कार्ड क्रमांक टाका.
- कॅप्चा कोड भरा आणि मी सहमत आहे, पर्याय निवडून ओटीपी पाठवा वरती क्लिक करा.
- वडिलांच्या/पतीच्या आधार कार्ड ला लिंक असलेल्या मोबाईल नंबर वरती सहा अंकी ओटीपी येईल तो टाका आणि सबमिट करा.
- नवीन पेज ओपन होईल, त्यामधून लाभार्थ्याची जात प्रवर्ग, कुटुंबातील एक विवाहित व एक अविवाहित महिला योजनेचा लाभ घेत आहे का? त्यामधून लागू होणारा योग्य पर्याय निवडा.
- कुटुंबातील सदस्य नियमित कर्मचारी/कायम कर्मचारी/सरकारी विभाग/उपक्रम/मंडळ/भारत सरकार किंवा राज्य सरकारच्या स्थानिक संस्थेमध्ये कार्यरत नाही किंवा सेवा निवृत्ती नंतर निवृत्तीवेतन घेत नाही यासामोरील चौकानात क्लिक करून योग्य पर्याय निवडा.
- उपरोक्त अ.क्र. 1 व 2 मध्ये देण्यात्त आलेली माहिती खरी असून…. समोरील चोकोनात क्लिक करा. आणि फॉर्म सबमिट करा.
लाडकी बहिण योजना ई-केवायसी
